A man ben e waka kon na mi èn a ben e taki:
“Hallo, yu abi wan momenti gi mi? Mi na wan lukuman, èn mi kan ferteri a futuru
nanga tumsi bun yoystifasi. Fu tin euro mi e piki wantu aksi fu yu. Yu abi opo-ay?”
“Iya”, mi ben e piki, funamku fu di mi ben e ferferi misrefi pkinso èn mi ben e kan
kebroyki wan pkin sani fu du. “Kon meki mi luku. Mi e meki mi bigi dren kon tron
tru? Mi o kon gudu èn popi?”
“Eru, dati mi no kan taygi yu. Yu e si, a sabi fu mi na fu a futuru de soso fu den
dritenti sekonde di de na fesi. Den aksi fu yu musu abi fu du nanga san no de fara
fu a momenti disi.”
“So wan syatu luku ini a futuru no e yepi furu, “ mi piki en. “Mi no abi a denki taki
ini a ten san e kon dyonsro abi wan bigi bodoy fu san sa psa ini mi libi.”
“Fa yu kan de so seyker fu dati?” a piki mi. “Kande yu e lasi yusrefi. Spesrutu sabi
fu san e psa den dritenti sekonde san e kon sa kan de wan tori fu libi nanga dede.
A no warti tin euro?”
“We, yu abi leti,” mi ben e taki. “Mi e gi yu a wini fu a draydray. We, mi o dede ini
den dritenti sekonde san e kon?”
“No baya.”
“Wan hebi ogri o miti mi?”
“No.”
“We, dan san o psa den dritenti sekonde san e kon?”
“Furu no o psa. Yu o lasi tin euro, dati na ala.”
“Den tin euro san mi musu gi yu fu a piki fu mi futuru?”
“Na dati. Na dati un ben e agri tok?”
A pusu en anu kon èn mi ben e gi en wan pkin brifi fu tin euro, nomo nanga sar’ati.
“Mi abi bigi draydray nanga a luku tori fu yu ete,”mi ben e krutu.
“A sabi fu mi e tyari moy moni kon na ini,” a ben e trowe kon gi mi.
“A betre mi ben abi wan kranti leki yu ala dritent sekonde.”
Dan a ben e waka gwe nanga mi moni, fu tru fu go suku wan nyun kranti noso
katibo.
Geschreven door: Frank Roger
Oorspronkelijke titel: Dertig seconden
Vertaling: Ray Koops